قعدت مع قلبي مره اسأله
ايه اللي مطير منه النوم ومسهره
وايه اللي تعبه قوي كده ومحيره
رد عليا وهو مليان بالغضب
كلمني بحده ... لكن بذوق وأدب
وقالي معقول ماتعرفشي السبب ؟؟؟
تبقي مصيبه لو احساسك مات !!!!
ونسيت الماضي ونسيت الزكريات
لما سكنت في العالي وبين السرايات
قالي يامسكين مكانك ليه تغيره
والحضن الدافي ليه بسهوله تخسره
اخدت قرار غلط ومعرفتش تقدره
وجيت هنا تقاسي من الوحده والحرمان
لا فيه اصدقاء ولا اهل ولا خلان
وحيد في مكان مش حاسس فيه بالأمان
بتمر ساعات ويعدي يوم ورا يوم
لا عارف ترتاح ولا عيونك يجيلها نوم
ورجعتني تاني افكر في الماضي والهموم
روح بقي عني الله يسامحك
وسيبني اداوي عذاب جرحك
وادور علي ذكري سعاده في كتاب فرحك
سمعت منه كده وانا كلي حيره وخجل !!!!!
بس قولت ماهو كله مكتوب زي الرزق والاجل
وآهي تجربه وممكن تنجح وبلاش نحكم عليها بالفشل
وبعدين ياقلبي مانت ياما اتحملت مني كتير
يجري ايه لو نعيش بقي ونجرب التغيير
ونحلم سوا نجري وبين السحاب نطير
آهو حلم ويمكن في الاحلام الحال يتغير
وترتاح ياقلبي وتنسي بقي تفكر