كيف تطفشين عريسا ؟

انتي من حزب ( مش عاوزة اتجوز انا )
و اهلك عاوزينك تتجوزي و جاوبولك عريس لقطة و مفيهوش عيب ...تعملي ايه ؟
اليكي نصائحي الذهبية بس انا ماليش دعوة ومحدش يقول ان انا قلتلكوا حاجة




1- ما تبينيش لاهلك عدم الرضا ...عشان تعرفي تكملي الخطة (ونسبكها صح )


2- اهم اشي بالخطة من يوم ما تسمعي بالعريس لحد ما ييجي اوعي تستحمي
خلي الريحة الحلوة تطلع ...ماتنسيش تفرمي بصل كتير واذا في توم خيييير
و بركة ..... (م الاخر انا عايزكي تبقي معفنة الريحة قالبة الشارع كلة والاحياء المجاورة)
طبعا انتي بتساعدي ماما ما حدش هيقول حاجة ومفيش بني ادم هينطق بكلمة




3- طبعا النهاردة اهل العريس عايزين يـيـجو يشوفوا (قمر الزمان وست الحسن) عشان كدا قمر الزمان...... لازم تفضل نايمة لقبل الموعد بساعة عشان وشها يستريح وما يبانش انه تعبان ....... ولما تصحي تكون كانها مضروبة حوالي 2000 جزمة و3000 بلغة علي دماغها


وتصحي عينيها حاجة تفرح.............. ( انتوا عارفين يقي)
وكدا بتكوني ضيعتي على اهلك فرصة انهم يكشفوكي.



4-اهل العريس خلاص وصلوا عندكوا... سلمي على امه( حماة المستقبل) بكل برود ...
واعملي نفسك قرفانة و شايفة نفسك حبتين
بعدها اسحبي نفسك على أودتك ... (عشان تزبطي نفسك امال لازم يشوفوا قمر الزمان وست الحسن... )


يلا نشوف خطوات احلي ميكياج لاحلي عروسة
( طبعا عيشة الكيلاني جنبها هتكون ......... هنعرف دلوقتي عروسـتـنـا بعد الميك اب التحفة
هتبقي عاملة ازاي


,,,,,,, استغفر الله العظيم ,,,,,,,,,,,,,,,)
ونصيحة لكل اخواتي اللي زي القمر ,,,,,,,,,,,,,,,,,,
الخطوة دي هي اللي عليها الشغل كله وبكدة احنا ضمنا النجاح لو اتنفذت صح .....


الكحل : الكحل جميل جدا على العيون ... اتكحلي وكتري منه بضمير وبحبحي ايدك............. بس خلي الكحل بعين اكتر من التانية........وكدا بتضمني تكوني (حولة رسمي)


كريم الاساس: اكيد عايزين كريم اساس بس على الشفايف ........ كدا يبان
معاكي فقر دم.........ياعيني (بجد انتي كدة صعبتي عليا انا )



لايشادو : طبعا الشادو هو اللي بيخبي البلاوي (وهو اللي بيبين البلاوي )
الايشادو الاسود على العيون و ثقليــــــــــــــــــــه بضميـــــــــــــــــر مع ايشادو اصفر
على وشك بدل (البلاشر) ووكداااااااااا يبان معك كوليرا .... هههههههههههههههه





( كدة احنا ادينا ليهم شعور انك زي القمر و عسل مفيش اجمل منك ف الدنيا)




نشوف الطقم اللي هيتلبس علشان تبقي تحفة
و لازم تلبسي احلى موديل :جيبة خضرا (لون الخيار ) و بلوزة حمرا (لون الحب)
و طرحة من سنة الف و تسعمية و ستة وخمسين خشبة و(لونها اسود) ....
كدة انتي زي البطيخة بتدحرج وتكور ع الارض ......... كدة زي الفل بقيتي تحفــــــــــــــــــــة




5- روحي عالمطبخ عشان تأخدي القهوة ... بس اوعي امك تاخد بالها من العك..


6- امشي بكل ثقة الى غرفة الضيوف ...(كل ما تكون ثقتك بنفسك اكتر تباني انك خبيرة في الأمور دي)... وكدا.... الفار يلعب الفارعند ابو العريس ... ويسأل نفسه>>مدامها خبيرة كدا ليه اللي قبلنا طفشو؟!!


الفار مش لازم يلعب عند ابو العريس لازم نروح للعريس نفسة ......... نشوف هنعمل ايه...


امسكي القهوة ... بصي بعيونه (واحولي عينيكي مع الميكياج يبقي جامد اوي)
هههههههههههههههههههه
... المسكين بكون وقع في الصدمة(من اول نظرة)
هو طبعا من شدة الصدمة هينسى القهوة... وطعمها المريب

( متنسيش تحطي ملح انجليزي علشان لما يروح البيت يقضي الليل كله ف الحمام ويدعيلك ويقول دي كانت اجمل ليلة ف حياتي ........... و نصيحتي ليكي اتوصي اووي في الملح الانجليزي ده)
طبعا سيبي الرجالة يتكلمو في المهم .... (اماااااااااااااااااااال)


ارجعي لام العريس اللي عايزة تشوف جمال شعرك المرة دي مش هنعمل مقلب جامد
عكي شعرك وخليه منعكش........( م الاخر لسة ضرباه ف الخلاط طازة)


اقعدي اهرشي و اهرشي و اهرشي قدامها ... تخيلي انه في حديقة حيوانات
في راسك ( كانك جربانة والقمل بياكل ف راسك)

ههههههههههههههههههههههههههه مسكينة طنط(ام العريس)


اذا نفذتي الخطوات دي مية بالميةاؤكد ليكي........ان احنا ف طريقنا للنجاح
هتسمعي كلمة : " يا لا " .................وتسمعي صوت ابوكي: ’’ شرفتونا يا جماعة’’



لانه الضيوف عايزين (يفلسعو ) قبل ما يتدبسوا ف العروسة المعجزة دي



ايــــــــــــــــــــــه رايكو تـــــــنــــــــفـــــــع الخطة ؟؟؟؟




يارب يكون الموضوع عجبكم .................
يلا ردوا عليا وقولوا رايكم ف العروسة التحفة دي ................



سؤال رفيع جدا :
تعملوا ايه يا شباب لو انتوا مكان العريس ؟؟؟؟؟؟؟؟ ...........





ملحوظة : الموضوع منقول مع البهارات من اضافتي