شبت الكرنب

شيت الكرنب



السلام عليكم يا شباب، أزيكم كلكم are u fine



Great



طيب أناالنهاردة عايزاكوا تفتكروا معايا ايام ما كنا بننزل الوحدة-معلش انا عارفة أن السيرة دي بتجيبلكوا ارتيكاريا-بس لأ أحنا عايزين نذكرها بالخير



طبعا كلمة وحدة =كلمة شيت



وهو دة اللي انا عايزاه ، أنا عايزة أن شاء الله اللي هيدخل وينور الموضوع دة يشاركنا بأي موقف طريف،مؤثر ، غريب وهو بياخد الشيت، يلا أنا هبدأ بموقف طريف كان حصل(مع بعض الأشتغالات الأضافية ) وأنا باخد GERIATRIC SHEET

المشهد الأول:



((أنا ومارتينا بنعمل Scanning للوحدة لعل وعسى نلاقي واحد عجوز مستخبي هنا ولا هنا))


أنا:شايفة الست اللي هناك دي
مارتينا: أه تنفع ،أبتدي أنا الكلام ولا انتي؟؟
أنا:مش هتفرق ،أوكي هابتدي أنا.

المشهد الثاني:



"أنا ومارتينا ندخل على العجوز دخلة مذيعات الNILE TV على السياح الأجانب"

أنا: ويلكم تو ايجيت..احم ايه دة...ايوة السلام عليكم أزي حضرتك أنا نورهان ودي صاحبتي مارتينا من كلية الطب ممكن ناخد منك شوية بيانات كدة..اسمك وسنك وصحتك.
العجوز:لييييييييييييييييه؟؟؟؟؟؟؟
أنا(لنفسي):هما ليه دايما لمضين كدة.....لأ أبدا يا حاجة دة بس بيطلبوه مننا ومش هناخد من وقتك حاجة.
مارتينا تبدأ: اسمك ايه يا حاجة؟
العجوز : فلانة.
أنا: لا الأسم الثلاثي يا حاجة.
العجوز:ليه هتعملولي شهادة ميلاد!!!
أنا: لأ أبدا يا حاجة بس هو كدة لازم.
العجوز:فلانة بنت علان الترتاني.
مارتينا:طب عنك كام سنة يا حاجة؟
العجوز:50 سنة
أنا(لنفسي برضك): 50 سنة،،،، أه يا خباصة.
مارتينا:طب حضرتك جيتي الوحدة ليه النهاردة؟
العجوز:لأ أنا مش جاية عشاني أنا جاية مع مرات ابني.


((نتلفت أنا ومارتينا يمين وشمال فلا نجد أي شخص يوحي بانه مرات ابنها))

أنا : طب هي دخلت دلوقتي تكشف.
العجوز: لأ
أنا: أمال هي فين دلوقتي؟؟؟؟؟
العجوز:لأ دي راحت تجيب كرنب من السوق
أنا : ؟؟؟!!!!!!؟؟؟؟؟كرنب؟؟؟!!!!!!!:i con_eek:


((أغمز لمارتينا بأننا نقلب الشيت لأنها شكلها هتخرف ومش عنعرف ناخد بيانات عدل)).

أنا(وبراءة الأطفال في عيني): كم عدد غرف المنزل؟؟
العجوز:هة؟؟؟؟؟؟
مارتينا:لأ لأ يعني انتوا بيتكوا كام أوضة.؟؟
العجوز: أنا عايشة مع ابني ومراته وولاده..وتشير على طفلين: دة محمد ودى منة.
أنا:ما شاء الله ربنا يباركلك فيهم،،بس برضه هما كام أوضة؟؟؟؟
العجوز:هة مش عارفة .. أنا عايشة مع ابني ومراته
أنا : طب قولي أنت يا محمد ...انتوا بيتكوا كام أوضة:icon_surprise d:؟؟؟؟؟؟

المشهد الثالث:


((وبينما نحن على ذلك أذ ارتفع سواد مقبل كانه روح ليلة مظلمة تغشى الطريق، فتبينت.....فإذا أمرأة شايلة كيس أسود في أيديها يتلألا من بين ثناياه جسم أخضر فاقع)).

العجوز:أهي مرات ابني جت.
المرأة تنظر لنا مستنكرة ولسان حالها يقول : مين دول وايه اللي لمهم على حماتي وعيالي.
أنا: السلام عليكم أحنا طلبة في طب وجينا بس ناخد شوية بيانات من الحاجة كدة.
المرأة:ليييييييييييييه؟؟؟؟؟؟؟؟؟
أنا(لنفسى كالعادة):يخرب بيت لماضة الشعب المصري.......،لأ أبدا أحنا بس كنا..... كلاكيت تاني مرة.


أنا (متوجهة للمرأة): هي الحاجة جت الوحدة النهاردة ليه؟؟؟
المرأة: لأ دة أنا اللي جاية بس دوري أتأخر قلت اما أفوت عالسوق.


((اتسلل بنظري للكيس الأسود الذي تحمله المرأة))

أهتف: ايه دة ...دة الكرنب جة .


((أنا ومارتينا نتبادل النظرات)))


قــــــــطع


شوفتوا ازاي بأة أنا ظلمت الست واستهونت بقواها العقلية..الدروس المستفادة عمرك ما تقلل من اللي قدامك لأنك غالبا انت اللي مش فاهم حاجة.




معلش طولت يا شباب ...... يلا مستنية حكاويكوا